ទីបំផុត TESS រកឃើញភពចម្លែកមួយ ដែលមិនសមកើតមានទាល់តែសោះ…

0

(អាមេរិក)៖ អ្នកវិទ្យាសាស្រ្តបានឲ្យដឹងថា ពួកគេបានរកឃើញភពមួយ ដែលមិនសមនឹងមានវត្តមាននោះឡើយ ព្រោះតែស្ថានភាពចម្លែករបស់ភពនោះ គោចរនៅជុំវិញផ្កាយរបស់វា។ នេះបើតាមការដកស្រង់ការផ្សាយចេញពិវែបសាយព័ត៌មាន Space នៅថ្ងៃចន្ទ ទី០៤ ខែតុលា ឆ្នាំ២០១៩។

តាមរយៈការសិក្សាលើទិន្នន័យប្រមូលបានដោយកែវយឺតអវកាស TESS របស់ទីភ្នាក់ងារអវកាសអាមេរិក NASA អ្នកវិទ្យាសាស្រ្តបានរកឃើញផ្កាយក្រហមមួយមាន ឈ្មោះសម្គាល់ថា HD 203949 ដែលមានភពធំយ៉ាងចម្លែកមួយគោចរជុំវិញវា។ តាមរយៈការវិភាគទៅលើលក្ខណៈរបស់ផ្កាយមួយនោះ ពួកគេបានសន្និដ្ឋានថា ភពរបស់វាគួរតែត្រូវឆាបឆេះខ្ទេច ដោយសារផ្កាយមេរបស់វាបាត់ទៅហើយ ដោយមិនមែនអាចនៅគោចរធម្មតាយ៉ាងដូច្នេះឡើយ។

HD 203949 គឺជាប្រភេទផ្កាយលំដាប់ K-2 ដែលមានពន្លឺខ្សោយជាងព្រះអាទិត្យ​យើងបន្តិច ហើយដោយឡែកភពចម្លែកដែលត្រូវបានរកឃើញថា កំពុងគោចរជុំវិញវានោះ គឺជាប្រភេទភពឧស្ម័នមហាយក្សមានម៉ាសស្មើហ្នឹង ៨.២ដងនៃម៉ាសរបស់ភពព្រហស្បតិ៍ ដែលទំហំភពបែបនេះ ពិតជាធំខ្លាំងមែនទែន៕

គួរបញ្ជាក់ថា កែវយឺតអវកាស TESS ដែលមានឈ្មោះពេញហៅថា Transiting Exoplanet Survey Satellite ត្រូវបានបាញ់បង្ហោះឡើងទៅអវកាសកាលពីខែមេសា ឆ្នាំ២០១៨ ដើម្បីស្វែងរកភពអេលៀន ឬភពនៅក្រៅប្រព័ន្ធព្រះអាទិត្យ។ ដោយឡែកបុគ្គលិកលក្ខណៈដ៏ចម្លែករបស់ភព និងផ្កាយដែលមានចម្ងាយ ២៥៧ឆ្នាំពន្លឺពីផែនដីនេះ គឺមិនទាន់មានការបញ្ជាក់បន្ថែមនោះឡើយ៕

LEAVE A REPLY

Please enter your comment!
Please enter your name here